Qobustan qəsəbəsi: Gələcəyə addım atan yaşıl inkisaf
Qobustan qəsəbəsi, COP 29 zirvə toplantısı ərəfəsində təbii və mədəni sərvətlərinin qorunmasına və bərpasına xüsusi diqqət ayıraraq, mühüm bir yeniliklərlə qarşımıza çıxır. Qəsəbə sakinlərinin həyat keyfiyyətini artırmaq, həmçinin qəsəbənin ekologiyasını yaxşılaşdırmaq məqsədilə geniş abadlıq işləri həyata keçirilib.
İlk növbədə, yaşıllıq zolaqları salınıb və minlərlə ağac əkilib ki, bu da həm ətraf mühitin sağlamlaşdırılmasına, həm də cəmiyyətin estetik və rahatlıq ehtiyaclarına xidmət edir. Qobustan sakinləri artıq tərtəmiz parklar və geniş yaşıllıq sahələri ilə əhatə olunmuş bir məkanda, təmiz hava alaraq rahatlıqla istirahət edə bilərlər.
Bundan başqa, qəsəbə üzrə mövcud olan mağazalar ümumi standartlara uyğunlaşdırılıb. Həmçinin, yeni və müasir reklam panelləri ilə qəsəbənin vizual imici təzələnib və daha cəlbedici hala gətirilib. Bu yeniliklər, qəsəbənin həm daxili, həm də xarici görünüşünü müasirləşdirərək Qobustanın inkişafını daha da sürətləndirir.
Q obustan qəsəbəsinin bu cür müsbət dəyişiklikləri, təkcə ərazinin estetikasını deyil, həm də əhalisinin rifahını artırır, gələcək nəsillərə daha yaşıl və təmiz bir mühit miras qoyulmasına imkan yaradır.
