Ümummilli lider Heydər Əliyevin anadan olmasının 100 illik yubileyinə həsr olunmuş “Bir əsrlik tarix” adlı tədbir keçirib
Mayın 8-də Bakı Şəhər Mədəniyyət Baş İdarəsinin 28 nömrəli uşaq musiqi məktəbi və Qızıldaş qəsəbə mədəniyyət mərkəzi ilə birlikdə, Qızıldaş qəsəbə Mədəniyyət Mərkəzində Ümummilli lider Heydər Əliyevin anadan olmasının 100 illik yubileyinə həsr olunmuş “Bir əsrlik tarix” adlı tədbir keçirib.
Öncə Azərbaycan Respublikasının Dövlət Himni səsləndirilib, Ümummilli lider Heydər Əliyevin və torpaqlarımızın düşməndən azad edilməsi zamanı canlarından keçən şəhidlərimizin əziz xatirəsi bir dəqiqəlik sükutla yad olunub. Ümummilli liderin siyasi və dövlət xadimi kimi zəngin fəaliyyətindən, xalqımızın rifahı naminə gördüyü misilsiz xidmətlərdən bəhs edən film və bəstəkar Murad Hüseynovun Ulu Öndər Heydər Əliyevə həsr olunmuş “ Xatirələr ” kompozisiyası təqdim edilib .
Qızıldaş qəsəbə Mədəniyyət Mərkəzinin direktoru Leyla Əsədullayeva, Qaradağ Rayon İcra Hakimiyyətinin İctimai-siyasi və humanitar məsələlər şöbəsinin müdiri Munis Bayramov, Yeni Azərbaycan Partiyası Qaradağ rayon təşkilatının sədri Qafar Əliyev, Qızıldaş qəsəbəsində yaşayan şəhid atası Gülmalıyev Ağabəy, Qızıldaş qəsəbə Mədəniyyət Mərkəzinin “Bədii qiraət və poeziya dərnəyinin” rəhbəri Yadigar Musayev tədbirdə çıxış edərək Ulu Öndər Heydər Əliyev dühası və onun müstəqil Azərbaycan qarşısındakı xidmətlərindən danışıblar.
Tədbirdə Bakı Şəhər Mədəniyyət Baş İdarəsinin rəis müavini Nazim Əliyev, Bakı Şəhər Mədəniyyət Baş İdarəsinin sektor müdirləri Bətulə Məmmədəliyeva , Səbinə Məmmədova , musiqi məktəbinin Qızıldaş qəsəbəsində yerləşən 180 nömrəli məktəbin şagirdləri , Qızıldaş qəsəbə sakinləri və başqa dəvət olunan qonaqlar iştirak ediblər.
Konsert proqramında Qızıldaş qəsəbə Mədəniyyət mərkəzinin “Bədii qiraət və poeziya dərnəyinin ” , rəqs kursunun üzvləri Ulu Öndər Heydər Əliyevə həsr olunan şeirlər, xalq rəqsləri , 28 nömrəli uşaq musiqi məktəbinin şagirdləri isə Azərbaycan və xarici bəstəkarların əsərlərini ifa ediblər.
