Qaradağ rayonunda qanunsuz ət kəsimi və satışının qarşısının alınması üçün monitorinqlər davam etdirilir
04 aprel 2023-cü ildə Qaradağ Rayon İcra Hakimiyyəti, Qida Təhlükəsizliyi Agentliyi və Qaradağ Rayon Polis İdarəsinin əməkdaşları əhalinin qida təhlükəsizliyinin təmin olunması istiqamətində birgə monitorinqlər keçirmişdir.
Rayonun Lökbatan qəsəbəsində ət kəsimi və satış məntəqələrindəki baytarlıq sanitariya vəziyyəti, sanitar-gigiyena normalarına əməl edilməsi halları yerində araşdırılmışdır.
Araşdırma nəticəsində 10 ət kəsimi və satışı ilə məşğul olan sahibkarlıq subyektlərindəki qanun pozuntuları və antisanitar vəziyyətin aradan qaldırılması üçün kəsim və satış yerlərinin sahiblərinə xəbərdarlıqlar edilmiş, ciddi nöqsanlar aşkar olunan məntəqələrdə qanunamüvafiq qaydada protokollar və cərimələr tətbiq edilmişdir.
Əhalinin qida təhlükəsizliyinin təmin olunması üçün monitorinqlər davam edəcək və vəziyyət nəzarətdə saxlanılacaqdır.
