Qaradağ Rayon İcra Hakimiyyətinin başçısı Süleyman Mikayılovun sədrliyi ilə müşavirə keçirilib

12 may 2023-ci il tarixində Qaradağ Rayon İcra Hakimiyyətinin başçısı Süleyman Mikayılovun  sədrliyi ilə rayonda  bərk məişət tullantılarının mərkəzləşdirilmiş idarə olunması sisteminin yaradılması və bu sahədə maddi-texniki bazanın gücləndirilməsi üzrə müşavirə keçirilib.
   Müşavirədə rayon icra hakimiyyəti başçısının müavinləri, şöbə müdirləri, qəsəbə inzibati dairələr üzrə başçının nümayəndələri, qəsəbə bələdiyyə sədrləri, Rayon Mənzil Kommunal Təsərrüfat Birliyi aparatının, Qaradağ Rayon Mənzil Kommunal Təsərrüfat Birliyinin Sanitar Kommunal İstismar İdarəsinin, Qaradağ Rayon Mənzil Kommunal Təsərrüfat Birliyinin Mənzil İstismar Sahələrinin rəhbərləri iştirak edirdilər.
   Müşavirədə rayon ərazisində məişət tullantılarının yığılması və daşınmasının vəziyyəti müzakirə edildi.
   Qaradağ Rayon İcra Hakimiyyətinin başçısı cənab Süleyman Mikayılov “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın qəbul edildiyini bildirərək, rayonun texniki potensialından səmərəli istifadə olunaraq, ətraf mühitin mühafizəsi və ekoloji tarazlığın qorunması istiqamətində həyata keçiriləcək məqsədyönlü tədbirlər nəticəsində insanların sağlamlığının təmin edilməsi üçün rayonda kommunal xidmətlərin yaxşılaşdırılmasına, xüsusən bərk məişət tullantılarının idarə edilməsi sistemində olan ciddi nöqsanların aradan qaldırılması, tullantıların yığılması, daşınması, yerləşdirilməsi və zərərsizləşdirilməsi işinin yenidən qurulmasına dair öz tapşırıqlarını verdi.
   Bundan əlavə rayon icra hakimiyyətinin başçısı cənab Süleyman Mikayılov rayon əhalisi arasında bərk məişət tullantılarının idarə edilməsi sahəsinə maarifləndirmə işinin gücləndirilməsi işlərinin aparılması üçün müvafiq tədbirlərin həyata keçirilməsinin məqsədə uyğun olduğunu vurğula