Müqəddəs Qurbanı Bayramı Qaradağ rayonunda geniş qeyd olunmuşdur.
28 iyun 2023-ci ildə İslam dünyasının xeyirxahlıq, qardaşlıq və yardımlaşma kimi gözəl hisslərini təqdim edən ən əziz bayramlardan biri Müqəddəs Qurban bayramı Qaradağ rayonu ərazisində geniş qeyd olunub.
Qaradağ Rayon İcra Hakimiyyətinin başçısı Süleyman Mikayılov başda olmaqla Qaradağ Rayon İcra Hakimiyyətinin bütün məsul əməkdaşları rayonda yaşayan şəhid ailələri, əlillər, müharibə veteranları, tənha ahıllar və aztəminatlı ailələri evlərində ziyarət edərək Qurban bayramı münasibəti ilə təbrik edərək, onlara Qurban bayramı payları verilmişdir.
Qeyd edək ki, Qurban Bayramı münasibətilə ümumilikdə rayonun 11 qəsəbəsində qurbanlar kəsilmiş, 2100 nəfərdən artıq aztəminatlı ailələrə qurban payı verilmişdir. Qurban payı ilə bərabər şəhid ailələri, əlillər, müharibə veteranlarına ərzaq və maddi yardım edilmişdir.
Bundan əlavə rayon ərazisində yerləşən hərbi hissələrdə bayram münasibəti əsgərlər üçün İcra Hakimiyyəti tərəfindən Müqəddəs Qurban Bayramı münasibəti ilə göndərilmiş qurbanlıq qoyunlar kəsilib.
