Paintball üzrə növbəti çempionat
20 iyun-04 iyul 2016-cı il tarixlərdə Qaradağ rayon İcra Hakimiyyətinin dəstəyi, rayonda fəaliyyət göstərən “Adrenaline Outdoor Extreme Club”unun təşkilatçılığı ilə gənclərdən ibarət komandalar arasında “Paintball” üzrə növbəti Qaradağ rayon açıq birinciliyi keçirildi.
Çempionatda müxtəlif rayonlardan gəlmiş 16 komanda iştirak edirdi. Qaradağ rayonu bu yarışlarda 10 komanda ilə təmsil olunmuşdu.
Çempionatın açılış mərasimində çıxış edən rayon Gənclər və İdman İdarəsinin rəisi Elçin Abbasov hərbi-idman oyunu xarakteri daşıyan paintball oyununun yeniyetmə və gənclərin hərbi vətənpərvərlik ruhunun güclənməsində müstəsna əhəmiyyətə malik olduğunu qeyd etdi.
İki həftə ərzində keçən gərgin oyunların ümumi yekun nəticəsinə əsasən I yerə FHN-Xilasetmə, II yerə X-sport, III yerə Adrenalin komandaları layiq görüldü.
Qaliblərin mükafatlanma mərasimi 05 iyul tarixdə Heydər Əliyev Mərkəzində keçirildi.
Ən yüksək nəticələr göstərmiş komandalar müvafiq dərəcəli diplomlar, medallar və kubokla təltif olundular.
