Ümummilli Liderin anadan olmasının 93-cü ildönümü ilə əlaqədar ağacəkmə aksiyası.

10 may 2016-cı il tarixində Ulu Öndərin anadan olmasının 93-cü ildönümü ilə əlaqədar Qaradağ Rayon İcra Hakimiyyəti tərəfindən təşkil olunmuş ağacəkmə aksiyası keçirilmişdir.
Xalqımızın Ulu Öndəri, müasir Azərbaycan dövlətinin memarı və qurucusu Heydər Əliyevin 93 illik yubileyi münasibəti ilə ölkəmizdə müxtəlif məzmunlu tədbirlər keçirilməkdədir.
Qaradağ rayonunda da Heydər Əliyevin 93 illik yubileyi ilə bağlı ayrı-ayrı tədbirlər keçirilir. Təşkil olunan silsilə tədbirlər çərçivəsində may ayin 10-da rayon ərazisində ağacəkmə aksiyası keçirilib.
Qaradağ rayonunda Bakı-Ələt (Astara) magistral avtomobil yolunun kənarında  keçirilən ağacəkmə aksiyasında rayon İcra hakimiyyətinin başçısı cənab Süleyman Mikayılov və Milli Məclisin deputatı, YAP Qaradağ rayon təşkilatının sədri Aydın Hüseynov da iştirak edirdilər.
Ağacəkmə kampaniyası Qaradağ rayonundakı bütün park və yaşıllıqları əhatə etmişdi. Rayon ictimaiyyətinin yaxından iştirak etdiyi aksiyada ölkəmizin iqlim şəraitinə uyğun, dözümlü və dekorativ cəhətdən yaraşıqlı ağaclar əkilmişdir.
Ümumilikdə rayon ərazisində otuz min gül-çiçək və bəzək kolu, 13 minə yaxın həmişə yaşıl dekorativ ağac əkilmişdir.
Ağacəkmə kampaniyası rayon ictimaiyyətinin nümayəndələri tərəfindən böyük razılıqla qarşılandı.