“TOUR D’ AZERBAİDJAN” beynəlxalq velosiped turu keçirilir

04-08 may 2016-cı il tarixlərində Azərbaycan xalqının Ümummilli Lideri Heydər Əliyevin xatirəsinə həsr olunmuş, Bakı və Sumqayıt şəhərləri, Abşeron, Qobustan, Şamaxı, Ağsu, İsmayıllı, Qəbələ, Oğuz, Şəki rayonlarının ərazisindən keçməklə 5 mərhələdən ibarət olan “TOUR D’ AZERBAİDJAN” beynəlxalq velosiped turu keçirilir.
Keçirilən veloturda xarici ölkələrdən 500  nəfərdən çox iştirakçı və fəxri qonaq, o cümlədən Beynəlxalq Velosipedçilər İttifaqının və Avropa Velosiped Federasiyasının rəhbər vəzifəli şəxsləri, dünyanın tanınmış velosipedçiləri iştirak edirlər.
Velosiped turu may ayının 4-də paytaxtımızın Bayraq Meydanında start götürərək, Qızıldaş, Müşfiqabad, Sulutərə, Masazır, və Novxanı qəsəbələrindən keçməklə Sumqayıt şəhərinə kimi davam etdi. May ayının 5-də Şix çimərliyi ilə üzbəüz ərazidəki Velosiped parkından start götürərək “Bakı-Abşeron-Qonustan-Şamaxı-İsmayıllı” marşrutu üzrə davam etdirildi.
Ümummilli lider Heydər Əliyevin anadan olmasının 93-cü ildönümünə həsr edilən beynəlxalq “TOUR D’ AZERBAİDJAN” beynəlxalq velosiped turunda Qaradağ rayonunun inzibati ərazisindən keçən hissədə 3000 nəfər rayon gənci də iştirak edərək yarış iştirakçılarını salamlamış və onlara dəstək olmuşlar.