“Şahin” hərbi-idman oyunu üzrə Qaradağ rayon birinciliyi

29 aprel 2016 | 11:00

29 aprel 2016-cı il tarixdə Puta qəsəbəsində yerləşən “N” saylı hərbi hissədə gənclərin hərbi vətənpərvərlik tərbiyəsində müstəsna əhəmiyyəti olan, məktəb şagirdlərini hərbi-idman oyunlarına geniş cəlb etməklə onların ordu sıralarında xidmətə hazırlanmasına kömək göstərilməsi məqsədi daşıyan ənənəvi “Şahin” hərbi-idman oyunu üzrə Respublika birinciliyinin rayon mərhələsi keçirildi.
Tədbirdə hərbi hissə komandirinin müavini, Səfərbərlik və Hərbi xidmətə çağırış üzrə Dövlət Xidmətinin Qaradağ rayon İdarəsinin rəisi, Qaradağ rayon Gənclər və İdman İdarəsinin rəisi iştirak edirdilər.
Parad qəbul edildikdən sonra komandalar mərhələlər üzrə bölüşdürüldü və hərbi hissənin zabitləri tərəfindən şagirdlərin hərbi hazırlığı qiymətləndi.
Sıra hazırlığı, avtomatın sökülüb-yığılması, darağa patron doldurukması, güllə atıcılığı, 100 metr məsafəyə qaçış, turnikdə dartınma, mülki müdafiə hazırlığı, sanitarların yarışı və digər mərhələlərin ümumi yekun nəticələrinə əsasən 110 nömrəli tam orta məktəbin şagirdləri birinci yeri, 184 və 320 nömrəli tam orta məktəbin şagirdləri isə müvafiq olaraq ikinci və üçüncü yerlərin qalibi oldular.

Keçidlər