“Biz hər an Ali Baş Komandanın əmrinə hazırıq”

26 aprel 2016-cı il tarixdə Qaradağ rayonu Gənclər Evində “Biz hər an Ali Baş Komandanın əmrinə hazırıq” mövzusunda rayon ərazisində yerləşən “N” saylı hərbi hissənin zabitləri ilə rayon gənclərinin görüşü keçierildi.
Tədbirdə Qaradağ rayon Gənclər və İdma İdarəsinin rəisi E.Abbasov, hərbi hissənin zabitləri mayor  Pərviz Azayev, kapitan Lətifə Rüstəmova, Türkiyə Silahlı Qüvvələrinin həmin hərbi hissədə ezamiyyətdə olan zabiti İnce Dursun Osman iştirak edirdi.
Görüşü giriş sözü ilə açan E.Abbasov əsası Ümummilli Lider Heydər Əliyev tərəfindən qoyulmuş, bu gün Azərbaycan Respublikasının Prezidenti İlham Əliyev tərəfindən davam etdirilən Gənclərin vətəndaşlıq və vətənpərvərlik tərbiyəsi nin “Dövlət Gənclər Siyasəti”nin ən mühüm əhəmiyyət kəsb edən məsələlərindən olduğunu vurğuladı. Qeyd etdi ki, qarşıda duran çoxsaylı məsələlərdən biri böyüməkdə olan nəslin nümayəndələrində hərb sənətinə həvəs oyatmaq, onlarda hərbi vətənpərvərlik ruhunu daha da yüksəldərək əsl şəxsiyyət kimi formalaşmalarına nail olmaqdır.
Hərbi hissənin zabitləri ordunun dövlətin ən əsas atributlarından olduğunu, vətənin müdafiəsində durmağın hər bir iisan üçün böyük şərəf olduğunu söylədilər.
Çıxışlarda Azərbaycanın və Türkiyənin dünya şöhrətli sərkərdələri, məğlubiyyət bilməyən hərbçilərin adları iftixarla çəkildi.
Daha sonra gənclərin maraq dairəsinə daxil olan suallarla hərbçilərə müraciət olundu.
Tədbir xatirə şəklinin çəkilməsi ilə yekunlaşdı.