“Xəmsə” Milli-intellektual oyunu üzrə Respublika çempionatının rayon mərhələsi

12 mart 2016-cı il tarixdə Qaradağ rayonu Sahil qəsəbəsindəki Gənclər Evində rayonun məktəb komandaları arasında “Xəmsə” Milli-intellektual oyunu üzrə Respublika çempionatının rayon mərhələsi keçirildi.
Tədbiri giriş sözü ilə açan Qaradağ rayon Gənclər və İdman İdarəsinin rəisi E.Abbasov milli brendimiz olan “Xəmsə” Milli-intellektual oyununun yeniyetmə və gənclərin intellektual səviyyəsinin artırılmasında müstəsna əhəmiyyətə malik olduğunu söylədi.
Qeyd olundu ki, yeni istifadəyə verilmiş Qaradağ Gənclər Evində intellektual oyunların təşkili, hazırlanması və keçirilməsi məqsədilə intellektual klub adlı xüsusi qtaq yaradılmışdır ki, belə oyunların keçirilməsi daha da kütləvi xarakter alsın və rayon gəncləri yaradılmış şəraitdən maksimum bəhrələnsinlər.       
Oyunun qayda və şərtləri iştirakçılara izah olunduqdan sonra yarışa start verildi.
Gərgin keçən mübarizədə 228 saylı məktəbin komandası I yerə, 253 saylı məktəbin komandası II yerə, 273 saylı məktəbin komandası III yerə layiq görüldülər. 
Daha çox xal toplamış 228 saylı məktəbin komandası rayon qalibi kimi Qaradağ rayonunu növbəti şəhər turunda təmsil etmək haqqı qazandı.
Sonda bütün qaliblər Qaradağ rayon Gənclər və İdman İdarəsi tərəfindən diplomlar və xatirə hədiyyələri ilə mükafatlandırıldılar.