Body Zorb idman növü üzrə Qaradağ rayon açıq birinciliyi keçirildi

28 fevral 2016-cı il tarixdə Bos Şelf şirkətinin stadionunda Qaradağ rayon İcra Hakimiyyətinin dəstəyi, rayonda fəaliyyət göstərən “Adrenaline Outdoor  Extreme Club”unun təşkilatçılığı ilə gənclərdən ibarət komandalar arasında “5 mart – Bədən tərbiyəsi və idman günü”nə həsr olunmuş Body Zorb idman növü üzrə Qaradağ rayon açıq birinciliyi keçirildi. 
Yarışın açılış mərasimində çıxış edən Qaradağ rayon Gənclər və İdman İdarəsinin rəisi Elçin Abbasov yarış iştirakçılarını salamlayaraq futbolun əyləncəli bir növü olan Body Zorbun yaranma tarixindən, onun inkişaf edərək artıq 40-dan çox ölkədə yayılmasından danışdı. Body Zorb oyununa Qaradağ rayonunda olan marağı nəzərə alan rayon İcra hakimiyyəti başçısı cənab Süleyman Mikayılovun hərtərəfli dəstəyi ilə hazırkı yarışın reallaşdığını qeyd etdi.
Sözügedən inman növünün rayonda ilk dəfə keçirilməsinə baxmayaraq gənclər tərəfindən və eləcə də müxtəlif telekanallar tərəfindən böyük maraqla qarşılandı.
Çempionatda hər komandanın tərkibində 5 nəfər oyunçu olmaqla 11 komanda iştirak edirdi.
Gərgin və maraqlı keçən oyunun nəticələrinə əsasən I yerə “Young boys”, II yerə Qalatasaray, III yerə Sahil komandaları layiq görüldü.
Qaliblərə rayon Gənclər və İdman İdarəsi tərəfindən kubok və müvafiq dətəcəli diplomlar verildi.