“2 fevral - Azərbaycan gəncləri günü”nə həsr olunmuş tədbirlər

02 fevral 2016 | 11:00

02 fevral 2016-cı il tarixdə rayonun Sahil qəsəbəsindəki yeni istifadəyə verilmiş Gənclər Evində “2 fevral - Azərbaycan gəncləri günü” ilə əlaqədar təşkil olunan tədbirlərin yekun mərhələsi keçirildi.
Tədbirdə giriş nitqi ilə çıxış edən Qaradağ rayon Gənclər və İdman İdarəsinin rəisi E.Abbasov tədbir iştirakçıları olan gəncləri bayram münasibətilə təbrik edərək ötən ilin sonunda istifadəyə verilmiş Gənclər Evinin yeniyetmə və gənclərin milli və ümumbəşəri dəyərlərə yiyələnməsi, müxtəlif sahələr üzrə biliklərinin daha da artırılması, yaradıcılıq qabiliyyətlərinin üzə çıxarılması və eyni zamanda asudə vaxtlarının daha səmərəli istifadə olunması üçün əlverişli bir məkan olduğunu nəzərə çatdırdı.
“Gənclər günü”nə həsr olunmuş tədbirlərdən, həmin tədbirlər üçün müəyyən edilmiş otaqlarda keçirilən “Gənclərin vətəndaşlıq və vətənpərvərlik tərbiyəsinin aktual məsələləri üzrə dəyirmi masa”, Kompüter oyunları, rəsm müsabiqəsi, şahmat üzrə turnir, Xəmsə milli intellektual oyunu, iştirakçıların böyük marağına səbəb oldu.
Sonda qaliblər diplomlar və xatirə hədiyyələri ilə mükafatlandırıldılar.

Keçidlər