2015-ci ildə Ələt qəsəbəsinin sosial-iqtisadi inkişafının yekunlarına həsr edilmiş hesabat yığıncağı

22 yanvar 2016-cı il tarixində Ələt qəsəbəsinin sosial-iqtisadi inkişafının yekunlarına həsr edilmiş hesabat yığıncağı keçirildi.
Keçirilmiş hesabat yığıncağında Qaradağ Rayon İcra Hakimiyyəti başçısı cənab Süleyman Mikayılov, Milli Məclisin deputatı, YAP Qaradağ rayon təşkilatının sədri Aydın Hüseynov, rayonun hüquq-mühafizə orqanları, rayon İcra hakimiyyətinin məsul işçiləri, rayon təsərrüfat sahələrinin rəhbərləri iştirak edirdilər.
Qaradağ Rayon İcra Hakimiyyəti başçısının Ələt qəsəbəsi üzrə nümayəndəsi Eldar İbrahimov hesabat verərək qeyd etdi ki, 2015-ci il qəsəbə üçün uğurlu il olmuşdur. Qaradağ rayonunda həyata keçirilən quruculuq və abadlıq işləri rayon əhalisi kimi Ələt qəsəbə sakinləri tərəfindən də böyük rəğbətlə qarşılanmışdır.
Hesabat ili olan 2015-ci il ərzində Ələt qəsəbəsində rayon İcra hakimiyyətinin rəhbərliyi və bilavasitə iştirakı ilə bir sıra abadlıq və quruculuq işləri həyata keçirilmişdir ki, bu işlərin planlaşdırılmasında və icra olunmasında qəsəbə nümayəndəliyi yaxından iştirak etmişdir. Görülən işlər əsas etibarı ilə təmir-tikinti, quruculuq, abadlıq, təmizlik, yaşıllaşdırma və qəsəbə ərazisində səliqə-səhman yaratmaqdan ibarət olmuşdur.
Hesabat yığıncağında iştirak edən qəsəbə sakinləri son illər ərzində qəsəbədə görülmüş işlərdən öz razılıqlarını bildirmiş, ölkə başçısı cənab İlham Əliyevin Ələt qəsəbəsinə səfərindən sonra qəsəbədə mövcud olan qlobal problemlərin kökündən həll olunduğunu vurğuladılar.
Hesabat yığıncağından sonunda qəsəbə sakinləri rayon İcra hakimiyyətinin başçısı cənab Süleyman Mikayılovdan görülən işlərlə bağlı ölkə başçısına qəsəbə sakinləri adından minnətdarlıqlarını bildirməsini xahiş etdilər.
Sakinlərdən 14 fərdi qaydada Qaradağ Rayon İcra Hakimiyyəti başçısı tərəfindən dinlənildi. Sakinləri dinləyən cənab Süleyman Mikayılov sakinlərinin problemlərinin həlli üçün müvafiq tapşırıqlarını verdi.