İlk Avropa Oyunlarına dəstək məqsədi ilə Qaradağ rayon gəncləri arasında “Nə, harada, nə zaman” intellektual oyunu keçirildi.

11 iyun 2015 | 10:00

11 iyun 2015-ci il tarixində Lökbatan qəsəbəsində yerləşən Heydər Əliyev Mərkəzində İlk Avropa Oyunlarına dəstək olaraq Qaradağ rayon İcra Hakimiyyətinin təşəbbüsü və Boss Şelf MMC-nin dəstəyi ilə rayon gənclərindən ibarət komandalar arasında “Nə, harada, nə zaman” intellektual oyunu keçirildi.
İlk öncə tədbir iştirakçıları Ulu Öndərin abidəsi önünə güllər düzüb, dahi şəxsiyyətə hörmət və ehtiramlarını bildirdilər.
Tədbirin açılış hissəsində çıxış edən Qaradağ rayon Gənclər və idman İdarəsinin rəisi Elçin Abbasov Avropa Olimpiya Komitəsinin Baş Assambleyasının qərarı ilə ilk Avropa Oyunlarının Azərbaycanda keçirilməsini ölkəmizə olan inam və etimadın təzahürü olduğunu qeyd etdi.
Öz növbəsində çıxış edən Heydər Əliyev Mərkəzinin direktoru Hicran Xəlilova Mərkəzdə belə tədbirlərin keçirilməsini gənclərin milli vətənpərvər ruha böyümələrinə müsbət təsir etdiyini bildirdi.
Gərgin keçən yarışın ümumi yekun nəticələri elan olunduqdan sonra qalib komandalar və fəal iştirakçılar diplomlar, medallarla və idmanımızın inkişafına həsr olunmuş kitablarla mükafatlandırıldılar.

Keçidlər