Rayon ümumtəhsil məktəblərinin XXVII Spartakiadasının qalibləri mükafatlandırıldı.

19 may 2015-ci il tarixdə ənənəyə uyğun olaraq Spartakiadanın qalibi adını qazanmış məktəbdə məktəblilərin XXVII rayon Spartakiadasının qaliblərinin mükafatlandırılma mərasimi keçirildi.
     Tədbiri giriş sözü ilə açan rayon Gənclər və İdman İdarəsinin rəisi Elçin Abbasov yarışların təşkili və keçirilməsi, qazanılmış nəticələr və rayon komandalarının Bakı şəhər Spartakiadasında iştirakı barədə məlumat verdi.
   Tədbirdə iştirak edən Qaradağ Rayon İcra Hakimiyyəti başçısı aparatının məsul əməkdaşı Yusif Nəsibov hər tədris ili ərzində təşkil olunan Spartakiadanın məqsəd və vəzifələrindən, istedadlı idmançıların aşkara çıxarılmasında olan müstəsna əhəmiyyətindən danışdı.
    Nəzərə çatdırıldı ki, Qaradağ Rayon İcra Hakimiyyəti başçısının  müvafiq sərəncamına əsasən Qaradağ rayonu ümumtəhsil məktəblərində bədən tərbiyəsi işlərinin yaxşılaşdırılması və şagirdlər arasında kütləvi bədən tərbiyəsi və idman yarışlarının daha da inkişaf etdirilməsi məqsədilə 2014-2015-ci tədris ili ərzində 9 (futbol, voleybol, basketbol, dama, şahmat, atletika, stolüstü tennis, güllə atıcılığı, cırtdan) idman növü üzrə məktəblilərin XXVII rayon Spartakiadası keçirilmişdir. Yarışlarda 2746 nəfərdən ibarət 22 məktəbin komandası (qızlar və oğlanlar) iştirak etmişdir.
    Tədbirin sonunda qaliblər komanda və fərdi şəkildə müvafiq dərəcəli diplomlar, kuboklar və hədiyyələrlə mükafatlandırıldılar.
   Yarışların ümumi yekun nəticəsinə əsasən I yeri 106, II yeri 319 və III yeri isə 288 nömrəli tam orta məktəbləri tutdu.