Çanaqqala qələbəsinin 100 illiyinə həsr olunmuş gənclərdən ibarət komandalar arasında Paintball üzrə I rayon çempionatı keçirildi.

21 aprel 2015 | 10:00

21 aprel 2015-ci il tarixdə Sahil qəsəbəsində Qaradağ Rayon İcra Hakimiyyətinin dəstəyi və rayonda fəaliyyət göstərən “Adneralin” klubunun təşkilatçılığı ilə Çanaqqala qələbəsinin 100 illiyinə həsr olunmuş Qaradağ rayonu gənclərindən ibarət komandalar arasında Paintball üzrə I rayon çempionatı keçirildi.
Çempionatın açılış mərasimində çıxış edən rayon Gənclər və İdman İdarəsinin rəisi Elçin Abbasov yarış iştirakçılarını rayon rəhbərliyinin adından salamlayaraq bu qəbildən olan oyunların keçirilməsinin yeniyetmə və gənclərin hərbi vətənpərvərlik ruhunun formalaşmasında güclənməsində müstəsna əhəmiyyətə malik olduğunu qeyd etdi.
Çempionatda hər komandanın tərkibində 6 nəfər oyunçu olmaqla 10 komanda iştirak edirdi. Gərgin və maraqlı keçən oyunun nəticələrinə əsasən qaliblərə rayon Gənclər və İdman İdarəsi tərəfindən diplomlar və kuboklar verildi.

Keçidlər