Qaradağ gənclərinin inkişafı üçün yeni məkan yaradılıb

13 mart 2014-cü il tarixində Qaradağ rayonunun Ümid qəsəbəsində yeni Gənclərin İnkişafı Mərkəzi fəaliyyətə başlayıb. Mərkəz “Holcim” şirkətinin Korporativ Sosial Məsuliyyət proqramı olaraq inşa edilmişdir.
          Açılışda Qaradağ Rayon İcra Hakimiyyətinin başçısı cənab Süleyman Mikayılov, Gənclər və İdman nazirinin müavini cənab İntiqam Babayev, və “Holcim” Azərbaycan ASC-nin Baş Direktoru cənab Rossen Papazov və digər qonaqlar iştirak edirdilər.
Gənclərin İnkişafı Mərkəzi öyrənmək, rəhbərlik etmək və inkişaf etmək üçün imkanların yaradılmasında əsas hərəkət verici qüvvə olmaq istəyindədir. O, Ümid qəsəbəsindəki gənclərin təhsil səviyyəsinin artırılmasına və onlar üçün əlverişli sosial şəraitin yaradılmasına yardım edəcək. Qəsəbə gəncləri üçün yeni kitabxana, ingilis dili və kompyüter kursları, liderlik və təcrübə proqramları təşkil olunacaq.
   Yaradılmış şəraiti yüksək qiymətləndirən qonaqlar Mərkəz tərəfindən qarşıya qoyulan məqsədlərin uğurla həyata keçiriləcəyinə əminliklərini bildirdirlər.
Tədbirin sonunda Qaradağ Rayon İcra Hakimiyyətinin başçısı cənab Süleyman Mikayılov qəsəbə sakinlərini dinləyərək onları narahat edən problemlər ilə maraqlandı. Qəsəbə sakinlərindən 9 nəfəri fərdi qaydada dinlənildi. Sakinlər qəsəbədə görülən işlərdən razılıqlarını bildərərək ölkə başçısına və rayon rəhbərliyinə minnətdarlıqlarını bildirdilər.