Ulu Öndərin əziz xatirəsi Qaradağ rayonunda ehtiramla yad olundu.
13 dekabr 2013 | 11:00
12 dekabr 2013-cü il tarixində Qaradağ rayonu, Lökbatan qəsəbəsindəki Heydər Əliyev adına parkda Azərbaycan xalqının Ümummilli Lideri, Ulu Öndər Heydər Əliyevin anım mərasimi keçirildi.
Mərasimdə Qaradağ Rayon İcra Hakimiyyəti başçısının müavinləri Elnur Qurbanov, Zəfər Əliyev, Şura üzvləri və rayon ictimaiyyəti iştirak edirdi. İlk öncə Qaradağ Rayon İcra Hakimiyyəti başçısının müavinləri Elnur Qurbanov, Zəfər Əliyev və Şura üzvləri abidə önünə əklil və gül dəstələri qoydular. Daha sonra rayonun idarə, müəssisə və təşkilat rəhbərləri, ardıcıl olaraq mərasimə toplanmış icmaiyyət nümayəndələri Ümummilli Lider Heydər Əliyevin abidəsi önünə gül dəstələri düzməklə öz dərin ehtiramlarını bildirdilər.
Keçidlər
