"28 May - Müstəqillik günü"nə həsr olunmuş tədbir keçirilmişdir

26 may  2022-ci  il tarixində  Qaradağ rayonu, Sahil qəsəbəsi, 28 nömrəli Uşaq  Musiqi Məktəbində  "28 May - Müstəqillik günü” nə həsr olunmuş  tədbir  keçirilib.

Konserti ilk olaraq məktəbin müəllimi  Samirə Həsənli öz çıxışı ilə açmışdır, “Respublika günü “ nün tarixi haqqında geniş məlumat  vermiş və bayram münasibəti ilə  konsertdə iştirak edən şagirdləri, müəllimləri qonaqları təbrik etmişdir.

Tədbirin rəsmi hissəsi başa çatdıqdan sonra 28 nömrəli Uşaq Musiqi  Məktəbinin şagirdləri Azərbaycan Xalq Cümhuriyyətinin yaradılmasının 104 - cü ildönümünə həsr olunmuş konsert proqramı ilə çıxış etdilər .

Tədbirdə Qaradağ rayon YAP-nın sədri Qafar Əliyev, Qaradağ rayon İcra Hakimiyyətinin ictimai-siyasi və humanitar məsələlər üzrə şöbə müdiri Munis Bayramov və şöbənin  məsul işçiləri, Bakı Şəhər Mədəniyyət Baş İdarəsinin  sektor müdiri Bətulə Məmmədəliyeva və Bakı Şəhər Mədəniyyət Baş İdarəsinin İdarəsinin  məsul işçiləri , Republika Rəssamlar İttifaqının üzvləri  və  Bakı  şəhər Uşaq Musiqi  Məktəblərinin direktorları və bir sıra qonaqlar  iştirak ediblər.

Qaradağ rayon İcra Hakimiyyətinin ictimai-siyasi və humanitar məsələlər şöbəsinin müdiri Munis Bayramov çıxış edərək tədbir iştirakçılarını “Müstəqillik günü” münasibəti ilə təbrik etmiş və maraqlı, rəngarəng konsert proqramına görə 28 nömrəli Uşaq Məktəbinin rəhbərliyinə və iştirakçılara təşəkkür etmişdir.

Tədbirdə Bakı  şəhər 4 və 6 nömrəli  Uşaq Musiqi Məktəblərinin direktorlarına Fikrət  Əmirovun 100 illiyi münasibəti ilə müəllif əsərlərinin partitularını hədiyyə edilib.

Sonda 28 nömrəli Uşaq  Musiqi Məktəbinin adından Bakı Şəhər Mədəniyyət  Baş İdarəsinə Ümummilli Lider Heydər Əliyevin  akvarel rəsmi hədiyyə edilmşdir.