“27 sentyabr - Anım günü” ilə bağlı, silsilə ümumrayon tədbirlərinin keçirilir

   “27 sentyabr - Anım günü” ilə bağlı, silsilə ümumrayon tədbirlərinin keçirilməsi məqsədi ilə Qaradağ Rayon İcra Hakimiyyətinin müvafiq Tədbirlər Planına əsasən, İcra Başçısı və Başçının müavinləri tərəfindən qəsəbələrdə görüşlər keçirilir.
   Bu məqsədlə, rayon İcra Hakimiyyətinin başçısı cənab Süleyman Mikayılov Vətən Müharibəsi şəhid ailələrini ziyarət edir və şəhid ailələrinin sosial qayğıları ilə maraqlanır. Rayon icra hakimiyyəti başçısı bu dəfə də Vətən Müharibəsi şəhidləri Musaoğlu Ataməli Seyidməmməd oğlu, Nağıyev Yusif Bərxudar oğlu və şəhid Əhmədxanov Ceyhun Xanlar oğlunun ailələri ilə görüş keçirib. Görüş zamanı şəhidlərin əziz xatirəsi yad edilib, sonra şəhidlərimizin keçdikləri döyüş yolundan, xatirlərindən söhbət açılıb. Səmimi keçən söhbət zamanı şəhid ailələrini narahat edən problemlər qeyd olunub və yaxın gələcəkdə həllini tapması üçün müvafiq işlər görüləcəyi bildirilib. Sonda bir daha vurğulanıb ki, torpaqlarımızın erməni işğalından azad edilməsində canını fəda edən əsgər və zabitlərimizə minnətdarıq, qanları ilə dastan yazan şəhidlərimizin ruhları qarşısında baş əyirik. Şəhid ailələrinin üzvləri şəhid ailələrinə göstərdikləri diqqət və qayğıya görə Azərbaycan Respublikasının Prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya öz minnətdarlıqlarını ifadə edib və qazanılan qələbədə övladlarının da payı olduğu üçün fəxr etdiklərini bildiriblər.

 Vətən yolunda canından keçən şəhidlərimiz hər zaman qəlbimizdə yaşayacaq və onların qanlarıyla azad etdikləri torpaqlarımızı göz bəbəyi kimi qoruyacağıq. Şəhidlərimizlə qürur duyur onlara Allahdan rəhmət, ailələrinə səbir diləyirik.