Cabbar Qaryağdıoğlunun 160 illiy yubileyinə həsr olunmuş konsert keçirilmişdir.

    16 dekabr  2021-ci  ildə  Cabbar  Qaryağdıoğlu  adına  9  nömrəli  uşaq  musiqi  məktəbində Azərbaycan xanəndəlik sənətinin görkəmli nümayəndəsi, ömrünü Azərbaycan muğam sənətinin yaranmasına həsr etmiş xanəndə Cabbar Qaryağdıoğlunun 160 illiy yubileyinə həsr olunmuş  konsert keçirilmişdir.
Konsertdə  qonaq  qismində  Qaradağ  Rayon İcra  Hakimiyyətinin  başçının  müavini  Təranə  İsmayılova, 5 nömrəli  İncəsənət  Musiqi  məktəbinin, 11 nömrəli  Musiqi  məktəbinin  və  16  nömrəli  musiqi  məktəbinin  direktorları,    məzunları, müəllim, şagird heyəti istirak  etmişdilər.
    Aparıcı Cabbar Qaryağdıoğlunun yaradıcılığı  haqqında  geniş  məlumat  vermişdir. Cabbar Qaryağdıoğlu Azərbaycan Dövlət Konservatoriyasının ilk təşkilatçılarından biri olmuşdur. O,1934-cü ildə altı ay müddətinə professor Bülbülün rəhbərlik etdiyi “Azərbaycan musiqisini öyrənən elmi kabinet”ə 220 xalq mahnısı, təsnif və 70-ə qədər xalq musiqi parçası vermişdir. Qaryağdıoğlu həmin mahnı və təsnifləri köhnə dostu tarzən Qurban Pirimovun müşayiətilə oxumuşdur. Cabbar Qaryağdıoğlunun ifa etdiyi 300-ə qədər mahnı və təsnifi professor Bülbül fonovalikə yazmış, bəstəkar Səid Rüstəmov isə nota köçürmüşdür. Cabbar Qaryağdıoğlu tərəfindən fonovalikə köçürülmüş 50 xalq mahnısı 1938-ci ildə Azərbaycan musiqisini öyrənən elmi kabinet tərəfindən “Azərbaycan xalq nəğmələri” başlığı altında ayrıca kitab şəklində çap edilmişdir.
    Bakı şəhərində fəaliyyət göstərən uşaq musiqi məktəbləri içərisində ilk dəfə olaraq 1986-cı ildə məhz məktəbimizdə xanəndə sinifi açılıb. 1989-cu ildə məktəbimizə görkəmli xanəndə Cabbar Qaryağdıoğlunun adı verilib. Az bir vaxt ərzində bu sinifin şagirdləri respublika müsabiqələrində, həmçinin ölkəmizdən kənarda dövlətimizi yüksək səviyyədə təmsil edib və məktəbin adını ucaldıblar. Bu gündə məktəbimiz böyük fəxr və qürur hissi ilə bu dahi insanın adını daşıyır və hər zaman Cabbar Qaryağdıoğlu adına layiq olaraq ön sıralarda gedir.
    Konsertin  proqramını   xanəndə ixtisası  üzrə  müəllim  Fədail  Qəhrəmanov hazırladı. Ansamblın  bədii  rəhbəri  Rövşən  Tağıyev idi.
   Konsertdə  Cabbar  Qaryağdıoğlunun  həyatından  kiçik  səhnəcik,  musiqi  repertuarından muğam, təsniflər və  xalq  mahnıları  məktəbin  şagirdləri  və  məzunları  tərəfindən ifa  olunmuşdur.