Hörmətli Cənab Prezidentim!

    Hörmətli Cənab Prezidentim!
   Bəli, bu ifadəni hər zaman söyləyirəm. Mənim Prezidentim İlham Əliyev Cənabları,mən bir təhsil işçisi və məcburi köçkün olaraq bu məktubu yazmağı özümə borc bilirəm.
   Cənab Prezidentim, son günlərdə dövlətimizə qarşı mənfur terrorçular tərəfindən törədilən cinayətlər istər dövlətimizin, istərsə də dünya birliyinin gözü önündə baş verir.  Lakin ermənilərin    bəzi  tərəfdaşlarının bu terrorizmə göz yumması bizi məyus edir. Ancaq biz heç vaxt  ruhdan  düşmürük,  çünki  ölkəmizin   yüksək  inkişaf etmiş  dövlətlərlə  bir  səviyyəyə   çatdırılması  üçün  hər    zaman çalışan, kiçiyindən  tutmuş  böyüyünə kimi hər   bir   vətəndaşına xüsusi qayğı  göstərən və xalqının daha da yaxşı yaşaması üçün əlindən gələni edən, düşməni   diz   çökdürən  güclü liderimiz var.
   Cənab   Prezidentim,  torpaqlarımızın    gün    keçdikcə  erməni vandallarının işğalından azad olunması, xüsusən də bu xoş xəbəri  sizin dilinizdən eşitməyimiz bizim üçün  böyük  bayramdır.  Mənfur düşmənin təcavüzünün   qarşısının qəhrəmancasına  alınması  və onlara  layiqli  cavab    verilməsi  sizinvə qurduğunuz  müzəffər Azərbaycan ordusunun sayəsindədir.
   Biz hər zaman sizə inanmışıq.    Bilirik   ki,   işğal altında qalan torpaqlarımız düşmən tapdağı altından tamamilə azad olunacaq və Azərbaycanımızın  ərazi   bütövlüyü   tam   təmin   ediləcəkdir.
  Allah Sizi və qurduğunuz  güclü Azərbaycan  ordusunu qorusun!

Əliyeva   Gülnarə
180№-li tam  orta   məktəbin  müəllimi