“Əhalinin sağlamlığının və təhlükəsizliyinin təmin edilməsi üçün qəza və fövqəladə hallara hazırlıq” istiqamətində maarifləndirici tədbir
17 may 2018-ci il tarixdə Qaradağ Gənclər Evində Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının dəstəyi ilə “Əhalinin sağlamlığının və təhlükəsizliyinin təmin edilməsi üçün qəza və fövqəladə hallara hazırlıq istiqamətində marifləndirici tədbirlərin təşkili” mövzusunda tədbir keçirildi.
Tədbirdə rayon Gənclər və İdman İdarəsinin rəisi E.Abbasov, Azərbaycan Respublikası Prezidenti yanında QHT-na Dövlət Dəstəyi Şurasının təlimatçısı Şahin Zülfüqarov, Könüllülər Kitabxana İctimai Birliyinin sədri Niyaz Eyvazov, Qaradağ Gənclər Evinin direktoru Səbuhi Dadaşzadə və rayon gəncləri iştirak edirdi.
Təlim zamanı gənclərə baş vermiş qəza və fövqəladə hallar haqqında ətraflı məlumatlar verildi.
Sonda mövzu ətrafında müzakirələr aparıldı və iştirakçılara maarifləndirici çap materialları təqdim edildi.
